Ráðgjöf í skattarétti

Almennt

Íslensk löggjöf um skatta er síbreytileg. Á hverju ári gefur Ríkisskattstjóri t.d. út nýtt skattmat til launagreiðenda vegna tekna manna. Í skattmatinu er að finna reglur sem gilda um mat á hlunnindum til tekna og kostnað sem nota má til frádráttar frá tekjum vegna tekjuársins, sbr. 118. gr. laga nr. 90/2003 um tekjuskatt (tskl.), með áorðnum breytingum, sbr. og A-lið 1. mgr. 30. gr. þeirra laga og ákvæði c-liðar 6. gr. reglugerðar nr. 1300/2021 um frádrátt frá tekjum af atvinnurekstri eða sjálfstæðri starfsemi. 

Skattmatið gildir um hvern þann sem nýtur hlunninda eða gæða, sem telja ber til tekna skv. 7. gr. tskl., óháð starfssambandi milli þess sem lætur hlunnindi af hendi og þess sem þeirra nýtur.   

Við veitum ráðgjöf á sviði skattaréttar til bæði einstaklinga og fyrirtækja. Það er mikilvægt að sýna fyrirhyggju í skattamálum, sérstaklega hvað lögaðila varðar. Regluverkið í kringum skatta er bæði viðamikið og síbreytilegt og háð túlkun. Það er því gott að vera með góðan skattaráðgjafa í sínu horni. Þannig má tryggja lögfylgni og lágmörkun áhættu.